ministerio turismo timor leste

Fransisco Kalbuadi Lay
Ministru do Turismo

Visitantes tomak,

Ministériu Turismu nudár Instituisaun ne’ebe foun, hafoin iha mandatu IV Governu Konstitucionál integra iha Ministério do Turismo, Comércio e Indústria, neduni nudár responsável máximu ha’u sei  kontinúa, hamutuk ho Sekretária Estadu Arte no Kultura no funsionárius tomak hala’o esforsu hodi bele elabora polítika ida forte no adekuadu atu nune’e bele hamoris no haburas liutan aspektu turismu iha futuru.

Iha 2012 no 2013 hanesan tinan ba konsolidasaun estrutura interna servisu Ministériu nian iha termus kapasitasaun,no dezenvolvimentu rekursus humanus atu nune’e bele profesionaliza liutan servisu tomak instituisaun nian hodi bele fó resposta nebe’e lais no efisiente iha termus organizasaun ba sé de’it mak hakarak halo investimentu iha Timor Leste iha domíniu neé.

Iha tinan hirak tuir mai sei sai tempu nebe’e atu lansa baze estruturál polítika nian ba sektór nebe’e foka liuba realidade no potensialidade nasaun ne’e nian, inklui mós asaun marketing nian nebe’e ho intensaun prinsipál fó koñese Timor-Leste hamutuk ho merkadu internasionál, nune’e mós parsería estratéjika ho sektór privadu no seluk tan nebe’e ligadu ho sektór aspektu ida neé.

Tamba neé Ha’u hein katak, ho ezistensia Blog ofisial Ministério do Turismo bele fasilita públiku tomak atu bele asesu ba informasaun no akompaña di’ak liutan servisu no progresu Ministério ida neé nian.