Monthly Archives: October 2013

Miss Viqueque Sai Vencedora ba Miss Turismo 2013-2014

Miss Turismo 2013-2014 Sartina Luiza Pinto  promete Ajuda Governu Promove Setor Turismo no Kultura Timor Leste. 

Sartina Miss Turismo 2013-2014

Sartina Miss Turismo 2013-2014

IMG_6199

Miss Turismo Sartina Luiza Pinto

Representante husi Miss Viqueque sai vensedora ba Miss Turismo 2013-2014 no Maria Mazarela Lay representante husi Distritu Dili sai hanesan vensedora ba Miss Arte. Final ba Miss Turismo 2013-2014, ne’ebe mak halao iha salaun Centru Convensoes de Dili (CCD), Sabdu (26/07).

Eventu Grand Final ne’e  hetan partisipasaun masimu husi representante parlementu Nasional, membrus do governu, ambaxadores, empresarius, jornalista no mos inan-aman husi konkorente sira.

Ekipa de juri kompostu husi Rosa Gracia, representante husi Media Timor Leste, Padre Plinio Gusmao, representante husi parte relijiosus, Melly Saldanha, representante husi parte Media, Nelio Izac, representante husi parte governu, Ambio Sarmento expertu husi parte kultura no Jorge Serano representante husi empresariu.

Husi konkorente 16 ne’ebe mak tama iha parte semi-final, ho selesaun ne’ebe mak naruk no bazeia ba klasifikasaun ba parte Entrevista Individual, Talentu, Apresentasaun Roupas Tradisional husi kada distritu, Seksaun Perguntas, Votasaun husi Publiku no Interaktividade.

Ekipa de juri konsege deside konkorente nain 7 mak tama hanesan “top 7” iha parte final mak hanesan, Betty Lim da Silva (Dili), Maria Mazarela (Dili), Valencia Camerao Schultz (Dili), Alcina de Fatima Aparicio (Baucau), Julia Simoes Xavier (Liquiça), Benedicta Aurelia Lucke (Aileu) no Sartina Luiza Pinto (Viqueque).

Konkonrentes ne’ebe tama ba iha parte final, iha direitu atu hatan ba perguntas ne’ebe mak ekipa de juri hatoo ba sira durante minute tolu nia laran. Husi resposta ne’ebe mak sira hatoo ba iha juri, maka ekipa de juris sei fo valor hodi deside se los mak sei sai vencedora ba iha Miss Turismo 2013-2014.

Top 7 Miss Turismo 2013-2014

Photo by Gilberto

IMG_6205

Ekipa Juri Miss Turismo 2013-2014

Bazeia ba resultadu apresentasaun ne’ebe mak konkorente sira hatoo, Sartina Luiza Pinto hetan valor 2205, Maria Mazarela Lay hetan valor 2095, Julia Simoes Xavier hetan valor 1707 , no Velencia Camerao Schultz, ho valor 1945, Betty Lim da Silva, ho valor 2035, Benedicta Aurelia Lucke ho valor  1955, Alcinda de Fatima Aparicio ho nia valor 1860.  Alende valor hirak ne’e ekipa de juri konsidera mos valor nebe kontestante ida-idak hetan durante karantina, polling SMS nomos audisaun nivel distrital mak to’o ikus  ekipa de juri deside hamutuk hodi anunsia representante Viqueque sai hanesan primeiru lugar sai nu’udar Miss Turismo 2013-2014, Miss Dili (Maria Mazarela Lay) sai hanesan Segundu lugar hodi sai hanesan Miss Arte, Terseisu lugar Miss Liquica sai hanesan Miss Ambiente , no Quartu lugar Miss Dili (Valencia Camerao Shcultz) sai hanesan Miss Intelejensia, Quinto lugar Miss Turismo Baucau sai hanesan Miss Amizade Miss Dili (Betty Lim da Silva) Sextu Logar sai nu’udar Miss Fotogeniku no Miss husi distitu Aileu Setimu lugar hodi sai nu’udar Miss favoritu.

Nune total valor nebe foti baseia ba apresentasaun iha kalan Grand Final nebe hare liu ba iha sira nia intelijensia, apresentasaun kultura, talentu no responde perguntas husi ekipa de juri, audisaun nivel distrital nebe hare liu contestantes nia konhesementu iha lingua portugues no ingles inklui perguntas seluk husi juri sira, no prosesu durante karantina hare liu ba personalidade nebe kobre atetudu Miss sira nia durante iha karantina,  inklui oinsa Miss sira entregra an iha kolegas, sociedade no oinsa sira nia sensibilidade nudar humanu liu husi actividades social oi-oin.

Benedita
Miss Favoritu

Martinha
Miss Ambiente

Alcinda
Miss Amizade

Maria Mazarela
Miss Kultura

Bety
Miss Fotogenic

IMG_6117

Valencia
Miss Intelijensia

Ministeriu do Turismo, Francisco Kalbuadi Lay hatoo parabens ba manan nain sira no husu sira atu kontinua suporta programa Ministeriu Turismo no Arte Kultura nian hodi bele dezenvolve diak liutan setor Turismo iha Timor Leste. Ba manan nain sira, Ministeriu do Turismo liu husi komisaun organizadora prepara orsamentu ho montante 3000 ba primeiru lugar, 2000 ba segundu lugar no 1000 ba iha terseiru lugar. Entertantu ba iha quartu, quinto, sextu no setimu lugar hetan osan ho valor 500. Alende premiu osan, Primeiru lugar hetan kaibauk osan mean. Novensedora sira seluk hetan kaibauk osan mutin ne’ebe fo-haris osan mean.

Alende ne’e mos, Ministeriu do turismo sei prepara Bolsu de estudu ba manan nain sira hodi ba kontinua sira nia estudu iha nasaun Australia, Indonezia no mos Filipina iha tinan oin mai. Ba primeiru lugar sei hetan bolsu de estudu no mos sei hetan kontratu hamutuk ho Ministeriu do Turismo hodi apoiu programa Ministeriu nian durante tinan ida nia laran ho valor kontratu US 500 kada fulan, no sei akompaña Ministeriu do Turismo halao promosaun Turistiku ba iha rai laran no mos rai liur.

Iha fatin hanesan vensedora ba Miss Turismo 2013-2014 hateten, nia agradese ba Ministeriu no Turismo liuliu ba Komisaun Organizadora ne’ebe mak durante ne’e fo apoiu ba nia parte no ba treinamentu ne’ebe mak durante nia hetan durante karantina nia laran.

“Hau agradese tebes ba Ministeriu do Turismo no mos ba komisaun organizadora ne’ebe mak fo ona oportunidade ba hau hodi tuir eventu ida ne’e, no ohin loron (26/10) bele sai vensedora, hau agradese ba apoiu tomak husi familia no mos ba joven Timor sira ne’ebe mak fo votus ba hau,”dehan Sartina ho kontente.

Miss Turismo ne’e mos hateten, nia prontu atu servisu hamutuk ho Ministeriu do Turismo hodi promove Turismo Timor Leste no fo hanoin atu hadiak liutan setor Turismo. “Hau pronto tebes atu servisu hamutuk ho Ministeriu Turismo tuir hau nia kapasidade ne’ebe mak iha, no hau sei fo mos hanoin balun hodi hadia ita nia Turismo Timor Leste iha futuru,”promote vensedora ne’e. Nia parte mos husu atu, Ministeriu do Turismo kontinua programa Miss Turismo ne’e iha tinan oin. Tanba tuir nia eventu ida ne’e importante hodi dezenvolve kapasidade juventude sira nian no mos hatudu ba mundu katak, feto Timor mos bele.

“Hau husu ba governu atu kontinua eventu ida ne’e, tanba ida ne’e importante tebes bele dezenvolve kapasidade ami hanesan foin sae tanba ami estuda buat barak. Antes tuir eventu ida ne’e ami sei tautauk no moe atu koalia, maibe depois de ami tuir treinamentu oioin no akompanha palestra barak husi ukun nain sira, ami sai forte no bele hamrik mesak hodi hatoo ami nia hanoin,”tenik Miss ne’e. (MediaMT)

Advertisements

Madre Guilermina : To’o ona tempo ba Feto atu hamrik metin

IMG_4241

Photo by Adelina

Representante relijiosa Madre Guilermina hateten, feto Timor Leste tenki tau fiar metin ba Maromak no tenki forte atu hasoru dezafiu, tamba feto mak xave, Madre Guilermina hatoo lia hirak ne’e wainhira hatoo nia palestra ba konkorente Miss Turismo 2013-2014 iha salaun enkontru Ministeriu do Turismo, Kinta Feira semana ne’e.  

“Too ona tempu ba Feto Timor Leste atu hamrik metin iha sira nia ain rasik, labele depende ba mane sira deit, hatudu ba mane sira no feto maluk sira seluk katak, feto iha sidade tantu iha foho iha kapasidade atu partisipa iha dezenvolvimentu,” Madre Superiora hateten.

IMG_4270

Photo by Adelina

Iha palestra Madre Gulhermina esplikia liu kona ba oinsa posisaun feto iha Era Globalizasaun no encoraja konkorentes nebe eleita nudar Miss Turismo tenke sai nudar exemplar nebe diak ba feto sira seluk hodi hatene oinsa hamutuk ho Ministerio do Turismo bele promove Timor nia riku soi ba mundu no atrai turistas atu mai visita ita nia nasaun.

 

Antonio da Conceição : Miss Turismo Laos Atu Instrumentaliza Feto Timor

Ministru do Komersiu, Industria no Meiu Ambiente, Antonio da Conceição hateten, ezistensia Miss Turismo laos atu intrumentaliza feto Timor maibe oinsa atu prepara feto Timor Leste hodi partisipa iha dezenvolvimentu nia laran.

Antonio hateten lia hirak ne’e, wainhira hatoo nia palestra ba finalistas Miss Turismo 2013-2014 iha salaun enkotru Ministeriu do Turismo, Memorial Hall Dili, Kuarta feira ne’e.

Photo by Isac


Iha nia palestra Antonio hateten, “Importante tebes ba governu halao programa edukativu ida ba iha nia povu, liuliu oinsa prepara nia joventude sira hodi bele involve aan no prepara aan diak liutan hasoru mundu global ho matenek ne’ebe mak sira iha,”dehan Antonio hodi fo korajen ba finalistas sira.

Ministru ne’e haktuir mos katak, wainhira programa Miss Turismo hahu atu halao, mosu pros no kontras barak tanba sosiedade sivil sempre negative thinking (hanoin nebe negativu) deit ba programa Ministeriu do Turismo nian. “Miss Turismo ne’e laos deit atu faan ema nia bonita no isin diak maibe oinsa atu hatudu ema nia matenek,”esplika Ministru.

Photo by Isac

Husi Miss ida ne’e, tuir Ministru laos deit atu sai Miss Turismo nian, hodi promove potensia Turismo nian deit maibe mos bele promove komersiu hanesan mos kafe. “Imi (Miss Turismo) bele promove mos ita nia kafe Timor iha marekado internasional ho diak liutan, laos deit atu promove Turismo,”tenik Antonio.

Entertantu iha fatin hanesan mos, Ministru do Turismo Francisco Kalbuadi Lay ne’ebe mak akompana palestra ne’e hatoo nia agradese ba Ministru do Komersiu, Industria no Ambiente atu apresentasaun ne’ebe bele fo motivasaun ba konkorente sira.

Eis-Putri Citra Timor-Timur Hatoo Palestra ba Finalistas Miss Turismu 2013-2014

IMG_3992

Photo by Gilberto

Doutora Virna hateten, miss hanesan modelu ida ne’ebe mak ema sei banati tuir, tanba ne’e beleza laos prioridade. “Miss tenki ema ne’ebe mak iha konhesimentu luan ba problema global no mos informasaun hotu ne’ebe mak akontese iha mundu. Beleza ne’e criteria ikus liu ona,” informa Doutora Virna.

Eis Putri Citra ne’e mos haktuir, iha tempu okupasaun Indonezia nia mos partisipas iha Pramuka (Eskuteriu) no sai mos guide ba visitante sira ne’ebe mak mai hakarak hatene kona-ba potensia Turismo Timor Leste nian. tanba ne’e nia husu mos ba finalistas Miss Turismo ne’ebe mak sei manan bele prepara aan atu sai matadalan.

Dr Virna Gusmao hato palestra ba Finalistas Miss Turismo

Photo by Gilberto

Doutora ne’e mos hateten,  Miss Turismo make sei hatene no konese potensia Turismo nasaun nia, kultura no prepara aan atu promove sector hirak ne’e. 

“Imi tenki hatene istoria Timor nian no mos istoria husi potensia Turismo ne’ebe mak Timor Leste iha hanesan Kristo Rei no fatin turistiku sira seluk, nune’e wainhira imi akompana embaxador sira balun mai husi nasaun seluk hodi husu imi esplika fatin turistiku iha timor leste nian imi tenki hatene,”nia hatutan.

Importante mos ba Miss Turismo, tuir Doutora Virna maka, fiar ba Maromak no inan-aman.  intelejensia, hakraik aan, respitu ema seluk no mos tenki respeitu imi nia aan rasik. Nia mos husu atu konkorente sira halo preparasaun diak antes atu sai Miss Turismo tanba nia parte konsidera ne’e hanesan kompetisaun ida tanba ne’e tenki prepara aan ho diak.

José Napoleão da Rocha Dores Sai Nu’udar Prezidente Associação Empresas Turismo Timor-Leste ba Periode 2013/2016

Diresaun Nasional Empreendimentus Aktividade Produtus e Turistiko (DNEAPT), Ministériu do Turismo, foin lalais ne’e (19/10) halao Assembleia Jeral ba Associação Empresas Turismo de Timor Leste (AETTL) hodi hili Strutura Associação nian. Husi debate ne’ebe mak naruk, empresariu sira ne’ebe mak halao negosiu iha area Turismo nian hanesan Hotelaria no Restorantes hili Sr. José Napoleão da Rocha Dores sai nu’udar Prezidente Associação,Presidente Conselho Fiscal Sr.Fernando Lay inklui Presidente Assembleia Geral Sr.Gonçalo Cristovão C.C.de Meirelles

 

Assosiasaun AETTL

Photo by Isac

Ministru do Turismo ne’ebe mak partisipa iha assembleia ne’e hateten, importansia hodi hari’i Associacao ida ne’e mak, oinsa bele halibur hamutuk empresarius sira ne’ebe mak halao servisu iha area Turismo nian hodi bele dezenvolve diak liu tan servisu Turismo nian liu-liu iha area hotelaria no restorante sira.

“Oras ne’e dadaun area turismo sai ona hanesan area ne’ebe mak importante tanba mundu oras ne’e dadaun, compete malu hodi halao investimentu makas ba setor turismo hodi hetan lukru makas laos depende deit ba setor Mina-Rai no Gas,”dehan Ministru Francisco Kalbuadi Lay.

Asosiasaun AETTL

Photo by Isac

“Akordu ida ne’e sei halao iha loron 3- 5 Novembru tinan ida ne’e hodi nasaun sira ne’e bele ajuda ita iha prosesu dezenvolvimentu setor turismo  nian, no ita boot sira nia partisipasaun iha akordu ida ne’e importante hodi hatene diak liutan merkado Turismo nian iha mundu oras ne’e dadaun,”informa Ministru. 

Ministru Kalbuadi mos haktuir, ohin loron iha mundu tomak harer parte turismo sai Industria ne’ebe boot tebes, “ita hakarak ka lakohi tenki servisu ho Mundu Internasaional,” tenik Ministru.

Iha futuru Ministru do Turismo ne’e hatutan, sei halao akordu ida ho nasaun sira iha ASEAN hodi no mos akordu ida ho governu Macau iha Dezenvolvimentu setor Turismo nian liu-liu oinsa atu dada turista sira mai visita Ita-nia rain.

“Akordu ida ne’e sei halao iha loron 3- 5 Novembru Tinan ida ne’e hodi nasaun sira ne’e bele ajuda ita iha prosesu Dezenvolvimentu setor Turismo  nian, no ita boot sira nia partisipasaun iha akordu ida ne’e importante hodi hatene diak liu tan Merkado Turismo nian iha Mundu oras ne’e dadaun,”informa Ministru. 

Ministru Kalbuadi mos haktuir, ohin loron iha Mundu tomak harer parte turismo sai Industria ne’ebe boot tebes, “ita hakarak ka lakohi tenki servisu ho Mundu Internasaional,” tenik Ministru.

SEPI: Dalan ida Atu promove Kapasidade Feto Timor Leste

Kandidatu Miss Turismu 2013-2014 hamutuk nain 16 ne’ebe mak preparadu hodi tama ba iha fase final, hetan pelestra husi Sekretariu do Estadu Promosaun Igualidade (SEPI) Idelta Maria Rodrigues,  ne’ebe mak koalia kona-ba, Partisipasaun feto ba iha prosesu dezenvolvimentu no igualidade generu iha Timor Leste.  

SEPI

Photo by Gilberto

SEPI hateten, partisipasaun Feto iha prosesu Dezenvolvimentu importante tebes iha Timor Leste, tanba feto Timor leste oras ne’e dadaun hahu halao mudansa ba sira nia vida, iha vida politika, social no ekonomia. Idelta mos hakturi katak, liu husi eventu Miss Turismo mos, ita hahu involve feto foin sa’e sira iha future.

 “Ita nia governu kria ona programa barabarak hodi apoiu feto sira hodi bele partisipa iha dezenvolvimentu. No liu husi eventu miss Turismo mos, ita fo oportunidade ba feto foin sa’e sira hodi hatudu sira nia kapasidade hodi bele kompete iha mundu global. No hau inkoraja ita boot sira hodi kontinua ita hamutuk luta kontra desigualidade feto no ita hamutuk hodi hakbiit feto Timor sira tantu rurais no mos nasional hodi hatudu katak, feto Timor Leste bele involve servisu iha area oioin hanesan mos mane sira,”informa Idelta.

SEPI2

Photo by Gilberto

Partisipa mos iha palestra ne’e, Ministru do Turismo, Francisco Kalbuadi Lay, Sekretariu do Estadu Arte no Kultura, Maria Isabel Ximenes, Kordenador Jeral Eventu Miss Turismo, Aderito Babo Soares hamutuk ho Diretores Ministeriu do Turismo. (MT)

Deonísio Babo : Lei fo Oportunidade ba Feto Hodi Assesu ba Justiça

Ministru da justiça hetan konvite husi Komissaun Organizadora Eventu Miss do Turismo hodi hato’o Palestra ba konkorentes Miss Turismo 2013-2014 hamutuk nain 16 iha salão enkotru Ministériu do Turismo, Memorial Hall Dili.

Dio

Photo by Gilberto

Dionisio

Photo by Gilberto

Minstru mos informa katak partisipasaun feto foin sae importante tebes iha processu dezenvolvimentu no kontribui hodi hamenus problema trafiku humanu no violencia domistica hasoru feto. Lei propriedade mos, tuir Ministru da Justisa katak, fo ona dalan ba feto Timor Leste hodi asesu ba rai no mos sai nain ba rai.

Nia mos haktuir katak, papel foin sae iha iha kombate droga iha Timor Leste importante tebes, tanba tuir nia katak, Droga oras ne’e dadaun tama ona iha Timor Leste no sei estraga future foin sae sira nian. Nune’e eventu Miss Turismo ida ne’e, hanesan programa ida atu prepara ita nia foin sa’e sira atu partisipa iha prosesu dezenvolvimentu no hadook sira nia a’an husi hahalok ne’ebe mak kontra lei.

Primeira Dama: Miss Turismo se prepara feto Timor kompete iha eventu internasional

Primeira Dama Isabel Ferreira hato estatmentu ne’e wainhira fo Palestra ba Finalistas Miss Turismo 2013-2014 Segunda Feira semana ne’e iha Edifisio Ministerio Turismo Memorial Hall Dili.

IMG_3366

Photo by Gilberto

Primeira Dama Isabel Ferreira nebe akompanha husi Minstro Fransisco Kalbuadi Lay no Secretaria Estadu Arte no Kultura Isabel Ximenes durante palestra hateten eventu Miss Turismo mos hanesan dalan ida atu prepara feto Timor Leste hodi bele kompete iha eventu internasional, nune feto Timor mos labele lakon opurtunidade hodi hola parte iha eventu hirak ne’e.

Eventu Miss nia papel importante ida mak atu konhese didiak ita nia nasaun nomos halao aktividade social oi-oin hodi fo tulun ba sira nebe laiha kbiit.

Antes hahu palestra, Primeira dama  hateten maske iha opiniaun balun nebe la konkorda ho eventu miss tursimo nebe oras ne’e dirije husi Ministerio do Turismo maibe Primeira Dama  hateten  Miss Turismo laos eventu nebe foin primeiraves halao, Eventu ne’e halao iha mundo tomak nebe nia objetivu prinsipal laos hare deit ba feto nia Beleza, maibe importante liu mak fo opurtunidade ba  feto hodi hatudu nia kapasidade no intelijensia hodi partisipa iha prosesu desenvolvimentu nasaun ida nia.

IMG_3315

Photo by Gilberto

” Hau sente triste wanhira hare ema balun kontra eventu Miss ne’e,  Ita hotu buka hare buat nebe positivu ba ita nia rai.  Sociedade sivil sidauk iha kapasidade atu halao eventu boot hanesan Miss Turismo, tamba ne’e governo mak tenke halo, iha futuru se sira iha ona kapasidade mak bele fo kbiit ne’e ba sociedade sivil.  Hanesan mos iha area seluk exemplu Telivisaun ho Radio primeiro governo mak halao, ” Primeira Dama dehan.

Envolvimentu Feto iha area Politika sai hanesan tema palestra husi Primeira Dama nebe foka liu ba iha involvimentu feto Timor Leste iha prosesu luta ba ukun rasik-an.  Partisipasaun feto iha movimentu klandistina, funu, no diplomatiku.

Nudar inan ba nasaun ne’e, Primeira Dama mos encoragem finalistas tomak atu aproveita didiak opurtunidade ne’e hodi aprende barak durante iha karantina, nune bele fahe. informasaun no buat nebe sira aprende ba iha familia no komunidade.

Hafoin Primeira Dama, iha fatin hanesan Secretaria de Estado Promosaun Egualidade  Idelta Rodrigues mos hato palestra ho topiku ” Feto Foin Sae nia papel iha desenvolvimentu”.

15 Finalistas Miss Turismo

IMG_1705

Benedita
Finalista Miss Turismo (Aileu)

IMG_1755

Bety
Finalista Miss Turismo (Dili)

IMG_1711

Rubela
Finalista Miss Turismo (Ainaro)

IMG_1715

Nelsia
Finalista Miss Turismo (Baucau)

IMG_1726

Ana
Finalista Miss Turismo (Manatuto)

IMG_1729

Guilhermina
Finalista Miss Turismo (Bobonaro)

IMG_1732

Juliana
Finalista Miss Turismo (Covaima)

IMG_1736

Maria Mazarela
Finalista Miss Turismo (Dili)

IMG_1753

Valencia
Finalista Miss Turismo (Dili)

IMG_1759

Isabel
Finalista Miss Tursimo (Ermera)

IMG_1774

Martinha
Finalista Miss Turismo (Liquisa)

IMG_1792

Maria Casandra
Finalista Miss Turismo (Lospalos)

IMG_1798

Noimeta
Finalista Miss Turismo (Manufahi)

IMG_1807

Etelvina
Finalista Miss Turismo (Oecusi)

IMG_1815

Sarti
Finalista Miss Turismo (Viqueque)

Filipina Se Oferese Bolsa Estudu ba Timor Oan hodi Estuda iha Area Turismo

IMG_1875

Photo by Adelina

Ministro Turismo Fransisco Kalbuadi Lay simu delegasaun husi Philipina, Kuarta Feira semana ne’e iha Edifisio Memorial Hall, Dili.  

Delegasaun kompostu husi Administradór capital Manila Fransisco Domagoso, Conselheru Manuel Zarcal inklui representante husi sector privado balun.

Durante encontru ho Ministru Kalbuadi,  delegasaun ne’e halo diskusaun klean kona-bá investimentu iha area Turismu  no programa bolsu estudu 50 ne’ebé sei prepara ba Timor-oan sira hodi estuda iha area oi-oin hanesan  engeneria, akuntabilidade, medicina inklui setor turismo. 

Alende koalia kona-ba investimentu iha area Turismu, delegasaun ne’e mos ko’alia kona-ba investimentu iha area televizaun.  Delegasaun ne’e iha intensaun atu estabelese kanal telivisaun ida iha Timor Leste nebe hanesan kanal regular hodi fasilita prosesu desenvolvimentu.  Kanal Telivisaun ne’e se transmite programas nebe foka liu ba iha promosaun talento, informasaun kona ba prosesu desenvolvimentu iha rai larann no divertimentu.

IMG_1896

Photo by Adelina

Ministru do Turismu mós apresia ba visita delegasaun ida ne’e, no husu atu kontinua estabelese akordu kooperasaun nian iha tempu besik liu husi estabelesimentu Nota de Entedimentu (MoU).  

Ministru Kalbuadi Lay iha nia intervensaun durante encontru agradese komitmentu husi Filipina, no disponivel atu coopera iha area nebe presija tebes atu desenvolve Timor Leste.

Iha biban ne’e Ministro Kalbuadi mos fo informasaun konaba desenvolvimentu turismo iha Timor Leste, comercio, no situasaun economia iha rai laran.

Hafoin encontru, Ministru  Kalbuadi  konvida Delegasaun ne’e hodi hasoru malu ho Konkorentes Miss Turismu husi Distritu 13 ne’ebé mak konsentra iha Salaun enkotru Ministru do Turismu, hodi fo korajen ba konkorente sira atu hakas-aan no hatudu kapasidade ne’ebé mak iha hodi kompete iha nivél nasionál no mós iha nivél internasionál.

Filipina hanesan nasaun ho nia populasaun barak liu iha Timor Leste kompara ho estrangeirus sira seluk, total populasaun Filipina iha Timor Leste maizumenus rihun ida.