Monthly Archives: September 2013

Esperiencia Timor Leste

523812_10150783743825901_1582073868_nBehauBehauJaco, Distrito Lospalos 149337_10150783745945901_1772819459_n

 

 

Advertisements

Estudante Husu MT Sosializa Planu MT ba Tinan Lima (5)

Husi: Adelina de Fatima

Photo by Adelina de Fatima

Ministériu do Turismo (MT) , Sekretária do Estadu da Arte e Cultura (SEAC) hamutuk ho Estudante, Departementu Turismu, (DIT) halao limpeza jeral iha kapital Dili hodi komemora loron Mundial do Turismo ne’ebe mak monu iha loron 27 fulan Setembru.

Funsionáriu hamutuk ho Estudante sira hahu halao limpeza jeral iha area Bidau Santa-Ana too Ministériu dos Negosius Estranjeirus nian oin. Limpeza jeral ida ne’e, alende hodi komemora loron mundial do turismo hanesan mos kampaña ida hodi promove Dili sai Sidade Moos no Paz.

Sekretáriu do Estadu Arte e Kultura, Maria Isabel Ximenes ne’ebe mak partisipa iha asaun ida ne’e hateten, tema prinsipal ba loron mundial do turismo tinan ida ne’e (2013) mak, “Bee-moos no Turismo” bazeia ba rezolusaun ne’ebe mak hasai husi Asembleia Jeral Nasoes Unidas nian.

“Ohin Loron nasaun hotu-hotu iha mundu komemora loron mundial do Turismo hanesan loron ne’ebe mak ita hotu haree ba importansia husi konservasaun Bee-Moos tuir tema tinan ida ne’e nian maka Turismo no Bee-moos,”dehan SEAC.

Bee-moos importante tebes ba vida ema nian, no iha papel boot mos ba dezenvolvimentu seitor turismu, tanba ne’e, tuir Sekretariu do Estadu, ema hotu tenki uza Bee ho kuidadu no responsabilidade.

“Mensajen ne’ebe mak Sekretáriu Jeral Nasoes Unidas nian fo mai ita hotu iha loron ida ne’e maka, oinsa ita bele tau atensaun ba utilizasaun Bee ne’ebe ho responsabilidade tanba Bee importante tebes ba ita nia moris hanesan seres umanus no mos Bee importante mos ba setor Turismo, laiha Bee setor Turismo labele lao,”SEAC informa.

IMG_0884

Photo by Adelina de Fatima

Iha fatin hanesan estudantes DIT agradese ba Ministériu do Turismo ne’ebe mak involve ona sira (Estudante) iha loron Mundial do Turismo tinan ida ne’e.

“Ami agradese ba Ministériu do Turismo ne’ebe mak involve ona ami iha limpeza jeral ne’e hodi komemora loron mundial do Turismo ida ne’e. no asaun ida ne’e bele fanu ita nia komunidade hodi bele tau matan diak liutan ba ita nia meiu ambiente hodi labele soe foer arbiru,”husu Estudantes.

Sira mos husu ba, Ministeriu do Turismo hodi organiza seminariu ida hodi bele informa ba estudantes sira kona-ba servisu ne’ebe mak Ministériu do Turismo halao ona no planu servisu Ministériu do Turismo nian iha kurtu, mediu no longu praju.   

Alende halao limpeza jeral, Ministériu do Turismo mos organiza konsertu muzika hodi anima komunidade kapital Dili iha loron boot ida ne’e. (MT)

MINISTRU TURISMU INAGURA POUSADA BALIBO

Husi: Adelina de Fatima

foto pousada

Photo by Gilberto

Selebra Decimu (10¬) Aniversariu ba Kooperasaun entre Governu Vitoria ho Balibo,  objetivu atu fortifika istoria Balibo nebe iha tinan 1975 jornalista Australiano sira  fo an ba mate iha luta libertasaun Timor.

Iha selebrasaun ida ne’e hetan  partisipasaun maximu husi  reprezentnte   especial husi Governu Timor-Leste nebe reprezenta husi   Ministru Turismu Francisco Kalbuadi lay,  vice- Prezidente Parlamentu  Nasional Aderito Hugo da Costa, reprezentante husi Governu Vitoria ( Australia), Embaixador Australia, Nova Zelandia, no parceiru NGO nacional no internasional.

Tuir Ministru Turismu Francisco Kalbuadi Lay katak selebrasaun ida ne’e nudar loron  importante tebes hodi hanoin hikas memoria Jornalista Australiano sira nebe fo an ba mate iha luta libertasaun.

“ Ohin nudar loron importante tebes hodi  ita seleblra no hanoin ikas  fali  iha tinan 1975 nebe jornalista  Australiano sira,  sakrifika an ba luta libertasaun nasional, maske sira  ho tinan rua nolu (20) sira hatudu ba mundo tomak no ohin loron ita hotu goza nia rezultadu, ho  governu nia naran, hu agradese  ba  Balibo Trust, administrador Sub-Distritu, komunidade sira hotu iha Balibo  nomos parceiru sira hotu tanto Nacional no internacional nia kontribuisaun nebe servisu hamutuk hodi dezenvolve Balibo , no la kleur tan sei harii Hotel Balibo.’’

Ministru informa tan katak Timor Leste iha nia potensialidade boot iha area Turismu, ho beleza paisajem natural nebe iha futuru bele  hatama receita ba estadu, inklui Balibo ho  nia istoria iha tempu funu no sai fatin nebe istorika nebe hatudu ba Mundo wainhira jornalista sira fo an ba mate iha tempo neba.

Iha tempu hanesan Ministru Turismu mos inagura pousada Balibo nebe administra husi The Balibo House Trust iha kontrato aluga durante  tinan 30. Tuir Diretor The Balibo House Trust projeto ne’e harii servisu hamutuk ho Governu vitoria desde tinan 2002 hodi preserva istoria no orginaliade arquilogi Benteng Balibo, nomos sai fatin museum iha Balibo. (MT)

Ministério Turismo Promove Tais Timor iha Indonésia

Jakarta

Photo caption by Alberto Alves

Husi: Alberto Alves

Promosaun hanesan parte importante ida ba nasaun tamba nudar meiu ida atu bele fo konhese kultura, kreatividade no identidade iha nível nasional nuné mós internacional.

Timor Leste mós iha nia produsaun rasik mak Tais Timor nebé produz husi Feto Timor Oan.

Foto Jakarta

Photo caption by Alberto Alves

 Foin lalais neé Ministério do Turismo liu husi Secretaria de Estado Arte no Cultura servisu hamutuk ho Timor AID promove Tais Timor liu husi Expozisaun nebé halao iha Edifício Textil iha Tanah Abang-Jakarta.

Objektivu husi Expozisaun neé, explika Director-Geral Ministério do Turismo, Silvino Sampaio Gonçalves, atu aproveita promove Tais Timor ba Indonésia tamba hanesan rezultadu husi kreatividade no habilidade feto timor rasik.

Ministério Turismo kontinua esforsa atu apoia aktividades hirak neé tamba hanesan parte ida hodi promove turismo no kultura Timor Leste ba mundo, hatutan Silvino Sampaio.

Director Nacional do Museu husi Secretaria Estado Arte no Cultura, Abílio da Silva informa katak, aktividade neé halao hamutuk ho ONG Timor AID maibe finansia husi Governo ho osan hamutuk US 50.000.

Entretanto, Vice-Directora Departamento Turismo no Kultura husi Jakarta, Tinia Budiati elogia inisiativa husi Ministério Turismo no promete sei apoia nafatin atu promove Timor Leste iha aspektu nebé relevante tamba nudar nasaun vizinhu, ne’e hanesan pasu ida hodi hametin liu tan relasaun amizade entre nasaun rua.

Expozisaun neé hetan entuziasmu makaas husi vizitantes hodi haré no sosa produtus hirak neé tamba tuir sira nia haré katak, produtu úniku no reprezenta duni kultura no identidade Timor Leste nian.

Amizade entre Dili-Canberra

Husi: Titi Ribeiro

Asina akordu “Sidade Amiga” entre Dili ho Canberra

Asina akordu sidade "Amiga"

Photo caption by Titi Ribeiro

Tara tais oferese husi Ministerio do Turismo

Photo caption by Titi Ribeiro

Akordu relasaun Amiga ne ho objetivu prinsipal atu hametin relasaun entre comunidade rai rua.  Inisiativa nebe kria iha relasaun amizade ne atu promove sector edukasaun, economia, humanitaria no actividades disportu.

Representa Timor Leste  iha ceremonia asina akordu ne’e maka Secretario de Estado  da Administrasaun Desentralisasaun Tomas Cabral acompanha husi Embaixador Timor Leste iha Australia Abel Guterres no representa Ministro do Turismo maka Diretora Nasional Empredimentu Aktividades no Produtu Turistiku Maria Ernestina Lopes.

Chefe Ministra Canberra (Australian Capital Territory -ACT)  Katy Gallagher iha diskursu congratula governo Timor Leste nebe durante ne iha  cooperasaun diak ho governo Canberra.  Chefe Ministra ne mos hateten nia governo iha komitmentu bo’ot hodi fo nafatin apoio nebe Timor Leste presija.

 Iha tempu hanesan governo Timor Leste liu husi Secretaria de Estado da Administrasaun Desentralisasaun Tomas Cabral agradese Governo Canberra ba sira nia komitmentu.

 Secretario de Estado mos hateten  apoio nebe oferese husi Governo no comunidade Canberra durante ne’e ajuda tebes comunidade iha  Timor Leste.

Iha diskursu Tomas Cabral konvida Chefe Ministra ne’e atu mai visita Timor Leste hodi hare rasik resultadu husi projecto balu nebe implementa ona iha distrito Dili liliu rehabilitasaun saniamento basiku iha Atauro no area sira seluk.   Tuir planu Chefe Ministra Gallagher sei mai visita Timor Leste iha fulan  Janeiro tinan 2014.

 Alende apoio rehabilitasaun, relasaun amizade ne mos se loke opurtunidade ba iha linha cordenasaun no troka ideas entre Canberra ho Dili.

Liu husi Governo nomos parserio comunidade, Relasaun Amizade ne se apoiu ba iha transferensia informasaun, skills/kapasidade nomos rekursus.   Ne hanesan komitmentu longu praju entre comunidade iha cidade rua.

Asina akordu ida ne’e hanesan renovasaun husi akordu nebe halao ona iha tinan hirak liu ba, nebe tinan-tinan sempre iha renovasaun ba akordu nebe iha.

Ceremonia asina akordu ne’e remata ho apresentasaun artezenatu husi parte rua.  Ministerio do Turismo oferese Tais nebe entrega direitamente husi Diretora Maria Ernestina Lopes.

Hametin Kultura Tradisional, valoriza Kultura Kontemporaneo

Husi: Titi Ribeiro

Ministerio Turismo, Arte no Kultura  partisipa iha eventu Floriade (Flores) nebe eventu ne’e halao hodi comemora loron Centenario (100) Cidade Canberra – Australia.

Photo by Titi Ribeiro

Eventu Flores ne halao durante fulan ida tomak hahu husi dia 14 de Setembru nebe ho nia tema jardim iha tinan ne mak inspirasaun husi “Pasiensia no Creatividade”.

Iha abertura Ministru Tourismu no Eventu Cambera, Andrew Barr hateten eventu ne’e realiza tinan-tinan nebe hetan partisipa maximu husi visitantes foka liu ba iha tema “desenho jardim”

Ministro Barr hateten eventu Flores ne’e fo opurtunidade atu fahe no troka ideas husi ema espertus iha nasaun Australia tomak iha aspetu oi-oin.  Aspetu prinsipal ida mak oinsa ita bele promove aihan nebe sustentavel iha familia no comunidade.

Iha parte seluk Governo Timor Leste liu husi Ministerio do Tourismu, Arte no Kultura apresenta dansas tradisionais hodi anima visitantes iha eventu Flores ne.  Grupo Santo Antonio no Milenium Tais hatudu dansas oin lima (5) nebe dansas hirak ne’e kombinasaun entre dansas tradisionais no moderno hanesan dansa Biti, Meci- Suru Boek, Babadok, Kakehe no dansa hamulak.

 Diretora National Emprendimento Actividades no Produtus Turistiku Maria Ernestina Lopes hateten liu husi exposisaun nomos apresentasaun dansas tradisionais se promove Timor Leste iha sector tourismu no Kultura ba iha comunidade internasional.

IMG_0880

Photo by Titi Ribeiro

Entertantu, Embaixador Timor Leste ba Australia Abel Guterres hateten partisipasaun Timor Leste iha comemorasaun ne hanesan honra bot ida husi Governo Canberra.

Embaixador ne’e afirma, Timor Leste sei hetan opurtunidade oi-oin hodi promove sektor turismo no Kultura laos deit iha Canberra, maibe iha futuru Sydney Opera House bele sai distinu ba promosaun sektor rua ne.

Iha espozisaun ne’e mos, alende promove fatin turistiku iha Timor Leste, iha mos promosaun produtu lokal hanesan Kafe Arabika.  Husi Kafe kopu ida nebe faan Dollar 1 ($1) se oferese mai Dili, ne’e hanesan meius ida hodi apoio agricultores nune’e mos hatama rendementu mai Timor Leste.  Kafe Arabica ne’e exporta direitamente husi Timor Leste liu husi companha Fair Coffee Ltd.

Durante semana hat nia laran eventu ne apresenta tema no aktividades nebe diversidade  husi semana ida ba semana seluk.  Topiku nebe foti mak hanesan moris ho matenek (smart living) , desenho inovativu nebe esplora istilus future, mudansa iha produsaun moda (fashion) no teknologia, oinsa ita bele hare diresaun future nian  no diversidade iha multi-cultural liu husi apresentasaun actividades cultural.