Category Archives: Notisias

Ministeriu Turismu Organiza Treinamentu ba Taxista

 

IMG_2549Ministeriu Turismu servisu hamutuk ho Instituisaun relevante halo formasaun ba taxista iha kapital Díli ho intensaun atu bele sensibiliza partisipante sira konaba étika, regra no prosedimentu nebé ligadu iha area nebé refere.

Treinamentu nebé halao iha Centro de Convenções de Díli, foka liu konaba étika, profisaun, regras trânzitu no atendimentu ba públiku. Husi parte Ministériu Turismu, Director Nasional Planu no Desenvolvimentu Turístiku, António Ximenes explika liu konaba étika no profisaun atu bele fó konhese diak liu tan ba taxista sira konaba aspektu hirak neé hodi bele aplika iha servisu loron-loron. Comandante Unidade Trâzitu PNTL, António Soares iha nia intervensaun explika konaba Lei, Regras Trânzitu no kondisaun kareta wainhira halao movimentu atu nuné bele aumenta konhesimentu partisipante sira nian konaba aspektu ida neé. Entretanto, husi parte Ministério Transportes e Comunicações, funsionariu senior husi Diresaun Nasional Transporte Terrestre, Abel da Conceição koalia mós konaba regras no atendimentu ba públiku. Mekanismu atendimentu ba públiku iha aeroporto, explika husi Direktor Aviasaun Sivil, Mário Gomes. Partisipantes hatudu entuziasmu no elojia inisiativa husi Ministériu Turismu hodi organiza treinamentu ida neé tamba bele motiva no aumenta sira nia konhesimentu konaba knar lolós ba ema nebé ho profisaun nudar taxista. Treinamentu ida neé halao durante loron rua, konta ho partisipantes taxista Atus Rua Resin.

Advertisements

Timor Telecom Apoiu $70 Mill ba Tour de Timor

IMG_0019

Ministro Turismo no CEO de Timor Telecom

Apoiu ne’e kompostu, Cek ho valor $50 mill dolares no fasilidades hanesan pulsa, USB ou modem internete no ekipamentus communicasaun sira seluk ho total valor $20 mill dolares nebe entrega liu husi asina Protocolo diretamente husi Ministro Turismo Sr. Francisco Kalbuadi Lay ho Diretor Executivo Timor Telecom Sr. Manuel Joaquim Capitao Amaro iha edifisio Ministerio Turismo Kuarta Feira semana ne’e.

Timor Telecom nudar  Patrocinador Oficial principal ba evento Tour de Timor tinan-tinan.   Nune mos Timor Telecom sai nudar fornesedor oficial ba Tour de Timor iha servisus commuicasaun nia.

Hafoin asina Protocolo, Ministro Kalbuadi Lay hato’o nia agradesemento ba Timor Telecom nebe disponivel nafatin fo apoiu ba aktividades Ministerio nian no hein katak eventu ne’e bele lao diak no  atrai Siklistas barak hodi partisipa.

Alende Timor Telecom, parseiro seluk nebe  fo mos apoiu ba Tour de Timor inklui Airnorth, Air Timor, CDX Express, National Critical Care no seluktan.

Tuir orario Tour de Timor sei hahu iha dia 13-17 de Setembro ho nia rute hanesan tuir mai;

-I etapa Dili-Hatulia

-II etapa Hatulia- Balibo

-III etapa Balibo-Hauba

-IV etapa Hauba-Gleno

V etapa  Gleno-Dili liu husi Seloi, remata iha Mercado Lama.

Enseramento no fahe premio ba vensedores sei halao iha dia 17 de Setembro kalan.

IMG_0002

Asina portocolo entre Ministerio Turismo no Timor Telecom

IMG_0004

Ministro Kalbuady ho CEO TT Capitao Amaro

To’o oras ne’e hamutuk Siclistas internasional nain 30 no nasional 57 mak regista ona no data registo sei taka iha dia 19 fulan Agusto ne’e.

Coordenador Tour de Timor Sr. Aquelino do Santos Caiero  hateten Tour de Timor nudar eventu anual nebe involve mos comunidade tomak tamba ne’e nia husu atu iha kolaborasaun diak husi Autoridades local hanesan Administradores, Chefe Sucos no Aldeias atu bele halo susesu Tour de Timor.  Durante Tour de Timor sei anima mos ho eventu Cultural kalan-kalan iha kada rute nebe determina ona.

 

 

 

Ministru Turismo enkontru ho Embaixador Republika Korea ba Timor Leste

IMG_8612

Ministro Kalbuady Lay enkontru ho Embaixador Ki-Nam

Iha enkontru cortesia ne’e Ministro Turismo Francisco Kalbuady Lay ho Embaixador Kim Ki-Nam fahe informasaun kona ba area Turismo iha rai rua.   Embaixador Ki-Nam hateten Turismo nudar area importante tebes ba futuru nasaun ida nia.

” Hau hare nasaun barak  inklui Korea oras ne’e buka atu atrai nasaun seluk  hodi visita sira nia rai.  Hau mos hare oras ne’e iha ro’o pasiar barak mak mai visita Timor e ida ne’e hatudu sinal ida nebe diak ba Timor Leste”. Embaixador dehan.

Embaixador Kim nebe halao ona nia mandatu durante fulan 4 iha Timor Leste ne’e hatutan wainhira turista barak mak mai visita rai ida signifika sira sei gasta barak iha rai ne, neduni Timor tenke buka strategia diak atu atrai turista husi rai seluk.

Ministru Francisco Kalbuadi Lay, hateten Ministerio Turismo se esforsa hodi buka meius oi-oin atu desenvolve setor turismo iha rai laran. Inklui servisu hamutuk ho Ministerio sira seluk hodi prepara kondisoens nebe diak iha area infraestrutura hanesan aeroportu, estrada no akomodasaun ba visitantes.

Iha tempu hanesan Embaixador Ki-Nam informa ba Ministro Turismo Francisco Kalbuadi Lay kona ba grupo operador Camera konhesidu husi Korea sei mai halo filmagem iha Timor Leste.

Grupo Milenium Tais Timor partisipa “Feira da Cultural de Coimbra”

Dansa1

Dansa Kakehe

dansa2

Dansa Bote

Partisipasaun grupo Cultural Milenium Tais Timor iha Feira ne’e hetan apoiu mos husi Ministeriu do Turismo inklui Secretario de Estado balun. Ministeriu do Turismo fo apoiu selu tikete aviaun viagem Dili-Portugal ba ema nain 3 husi grupo refere.  Enkuantu, Secretario de Estado da Juventude e Desporto (SEJD) selu tikete ba ema nain 6,  Secretario de Estado para a Politica da Formasaun Profesional e Emprego (SEPFOPE) selu tikete ba ema nain 1, no Secretario de Estado da Industria e Cooperativas selu tikete ba ema nain 1.

amo

Amo Bispo Dom Ximenes Belo

Durante feira nebe hahu iha dia 30 de Maio iha Coimbra ne’e, grupo Milenium Tais Timor (MTT), halo apresentasaun bidu no tebe hodi simu nai ulun sira inklui Amo Bispo Dom Ximenes Belo, Embaixadora RDTL ho diplomatiku sira inklui Presidente Camara de Coimbra wainhira iha abertura ba feira refere.

 

show1

Desfile de Moda

show3

Desfile de Moda

Iha dansa cultural tolu mak apresenta husi Grupo Milenium Tais Timor hanesan danca Halikei, Kakehe no Bote.  Iha mos apresentasaun Defile de Moda (Fashion Show) hodi fo konhese Timor nia cultura ba iha estrangeirus, iha tempo hanesan hatudu Timor oan nia identidade no creatividade liu husi produtu kombinasaun roupa cultural no contemporaneu.

show

Desfile de Moda

 

Alende iha Coimbra grupo ne mos halo apresentasaun iha cidade Figuera da Foz iha dia 31 de Maio ho danca Halikei ho Kakehe nebe partisipa mos husi Presidente Camara de Coimbra.

Koordenadora Milenium Tais Timor Senhora Lita MOnteiro agradese ba apoiu husi governo liliu Ministerio do Turismo, SEJD, SEPFOPE no Secretario de Estado da Industria e Cooperativa nebe durante ne’e fo apoiu ba aktividades grupo nia no husu atu fo nafatin apoiu hodi nune bele promove Timor iha rai liur liu husi aktividades cultural.

 

Ministério Turismo Organiza Formasaun Konaba Hospitalidade

 

IMG_4475

Photo by Isaac

Ministériu do Turismo liu husi Diresaun Nacional Empreendimentus Actividades e Produtos Turistikus (DNEAPT) halao formasaun konaba Hospitalidade ho intensaun atu aumenta konhesimentu no kapasidade husi partisipantes konaba area ida neé.

Formandus hamutuk Atus Ida Resin nebé kompostu husi nain no manager Hotel, Restaurante, Motel no Apartamentus husi distritu Sanulu Resin Tolu.

Formasaun nebé orienta husi formadora Portuguesa Sara Montes, aplika materia ho nivel internasional atu nuné partisipantes bele hatene diak liu tan oinsa halao atendimentu ho profisionalismu liu tan iha sira fatin.

Tuir DNEAPT, Ernestina Lopes katak, formasaun nebé halao durante loron Tolu neé , partisipantes sei aprende liu husi sistema teoria no prátika konaba higiene, housekeeping, oinsa simu no serve kliente, atu nuné bele aumenta konhesimentu formandus sira nian konaba aspektu nebé importante tebes aplika iha sira hotel ka Restaurante.

IMG_5833

Photo by Isaac

“Ministério Turismo realiza formasaun neé liu-liu tamba Timor Leste sei sai uma nain ba Cimeira CPLP nebé sei halao iha fulan Julho iha Díli”, hatutan Ernestina Lopes.

IMG_6092

Photo by Isaac

Iha fatin hanesan, Ministro Turismo, Francisco Kalbuadi Lay husu ba partisipantes atu bele aproveita didiak formasaun neé tamba Timor Leste nudar nasaun neduni tenki hahú agora oinsa aumenta konhesimentu konaba hospitalidade atu nuné bele hatudu imagen nebé diak ba klientes, liu-liu ba maun alin nasaun CPLP sira nebé iha tempu badak sei halao Cimeira ba Dala IV iha Díli.

Ministro mós agradese kontribuisaun husi formadora Sara Montes no garante katak Ministeriu sei kontinua servisu hamutuk ho Hotel no parte relevante sira seluk iha area hotelaria. Hafoin loron formasaun, partisipantes simu sertifikadu nebé entrega diretamente husi Ministro Turismo, Francisco Kalbuadi Lay.(MT)

MT-SEAC Inagura Centru Cultural Lautem

Ministerio Turismo hamutuk ho Secretaria Estado Arte Cultura  Sabado semana kotuk inagura Centru Cultural Lautem.

Inagurasaun Centru Cultural Lautem

Photo by Isaac

Centru Cultural ida ne’e hetan apoiu fundus husi Gabinete Primeiro Ministru kay Rala Xanana Gusmao, NGO Many hand’s Internasional, Unesco Jakarta, Unesco Timor–Leste inklui Ministerio Edukasaun Ensino Secundaria Centru Cultural ne’e nudar Centru Culturais primeiro iha Timor Leste, ne’ebe prepara iha tinan barak nia laran, Lian hira ne’e hato’o husi Sua Exa Secretaria do Estado Arte e Cultura Isabel Ximenes.

Iha fatin hanesan, Ministru Turismo Francisco kalbuadi lay hato’o nia parabens boot ba Komunidade iha distritu lautem, tamba lakleur tan sei hari mos Centru Cultura ho nia aktividade barak-barak, tamba ida ne’e, Ministeriu do Turismo ho SEAC husu ba komunidade Lautem liu-liu Joven sira atu bele proteje Centru Cultura ne’e hodi bele utiliza iha tempu naruk.

Centru Cultural lautem

Photo by Isaac

Inagurasaun centru Cultural Lautem

Photo by Isaac

Iha futuru SEAC mos prepara ona diploma Ministerial para bele permiti kriasaun offisiais iha distritu hotu-hotu, hodi bele mantein nafatin kolaborasaun ho NGO Many Hand’s Internasional inklui mos Agencia Nasionais sira,hodi hari’i centru refere iha fatin seluk.

Tuir planu iha tinan ida ne’e SEAC sei kria aktividades barak nebe sei kolabora hamutuk ho Agencia Many Hand’s Internasional inklui Autoridades Lokais para bele kontrata Arquiri materias iha Centru Cultural ida ne’e, hanesan Meja, Kadeira,Komputador no seluk-seluk tan.

Ceremonia inagurasaun ne’e hetan partisipasaun maximu husi Autoridade Lokais hanesan Administrador Lautem, Membru Polisia Distrital, Xefe do Suco, Lia nain inklui populasaun Distrito Lautem. Entertanto, partisipaaun Autoridade nasional mak hanesan Vice Ministru Edukasaun Ensino Secundaria, Membru Parlamnetu Nasional husi Komisaun D inklui Equipa MT no SEAC rasik.

 

Ministru Kalbuadi: China, potensia bo’ot ba setor turismo iha mundu

Ministru Turismo asina MoU

Photo by Valentino Dariel

PM Xanana asiste asina akordu entre Ministerio Turismo China ho Timor Leste

Photo by Valentino Dariel

Ministeriu Turismo Timor Leste foin lalais ne’e asina akordu koperasaun ho Ministerio Turismo Republika China, durante primeira visita ofisial delegasaun Timor Leste nebe chefia husi Primeiro Ministru Kay Rala Xanana Gusmao iha China.

Akordu kooperasaun nebe asina direitamente husi Ministru Francisco Kalbuadi lay no Ministru Turismo China  Shao Qiwei ne’e foka liu ba iha area rekursu humanu, infrastrutura, apoiu tekniku, desenvolvimentu setor turismo nebe inklui mos agensia no hotelaria.

 

Photo by Valentino Dariel

Ministru Turismo Kalbuadi hateten Primeiro Ministru China mos fo ona indikasaun katak China sei fo apoio Timor Leste iha various areas inclui setor turismo.

Iha nia intervista Ministru Kalbuadi hateten China sai hanesan parseiru importante ba desenvolvimentu setor turismo iha Timor Leste no internasional.

“China agora sai hanesan potensia ida nebe mak bot liu iha mundu,tamba turista China nebe mak sai ba liur kada tinan maizumenus Tresenta Milhioes turista ba iha mundu tomak”.

“China promete sei ajuda ita liliu iha area hotelaria, hau mos hasoru empresariu lubuk ida nebe mak interese atu konstrui hotel iha Timor Leste inclui iha capital Dili to’o ba distritu sira seluk, tamba ne’e tenke prepara didiak.”

Visita ofisial iha China

Photo by Valentino Dariel

Visita ofisial iha China

Photo by Valentino Dariel

Atu realiza akordu ne’e Ministeriu Turismo Timor Leste sei kordena ho embaixada rua China ho Timor Leste nomos Ministerio Negosius Estrangeirus. Alende ne’e ekipa tekniku husi Ministerio Turismo iha tempu besik sei ba China hodi kordena ho tekniku sira iha China hodi bele prepara ba implementasaun akordu refere.

Timor Leste iha potensia bot ba area turismo, nudar futuru petroleum, Ministru Kalbuadi hateten area ne’e tenke explora no kopera didiak no halo ligasaun diak ho nasaun Asean, nasaun Asia hanesan Korea. Nunemos iha area Pasifiku liliu nasaun Australia ho Fiji.

Universidade USA iha interese apoia Turismo Timor Leste

IMG_5753Prof. Dr. Sr. Linwood Pendeleton husi Duke University U.S. hasoru malu ho Director-Geral do Turismo, Silvino Sampaio Gonçalves hodi diskuti konaba kestaun Turismo tasi laran nian.

Durante sorumutu neé, Prof. Dr. Lindwood husu ba Ministerio Turismo atu bele sugere ba Universidade Timor-Leste hodi bele loke formasaun ida kona ba Luku (Diving school).

Alein de neé, Linwood liu husi Programador Especial Embaixada Amerika iha Timor Leste, Leopoldo Gusmão hatoó mós sira nia plano atu haruka périto tasi laran nian mai Timor leste hodi bele ajuda Ministerio Turismo halo pesquisa konaba tasi laran.

Molok remata sorumutu, equipa Ministerio do Turismo hamutuk ho equipa Prof. Dr. Linwood konkorda atu buka oportunidade ida hodi bele hatudu filme dokumentariu badak kona ba “Coral Triangle” nebé efisiente tebés divulga ba públiku, atu nuné bele sensibiliza komunidade konaba importansia atu prezerva ita nia tasi laran.

Prof Dr.Linwood mos hatudu entusiasmu makas ho sorumutu ne’ebe halao ho ministeriu turismo tamba konsidera positivu tebes ba parte rua ne’e. (***)

 

MT Observa Konstrusaun Muru Monumentu Dom Boaventura

img_2364Ministério Turismo nebé representa husi Director-Geral Turismo, Silvino Sampaio Gonçalves hamutuk ho komitiva desloka ba Distritu Manufahi hodi haré directamente projektu kontrusaun Muru ba Monumentu Dom Boaventura iha Luak, distritu Manufahi.

Projektu konstrusaun neé hamosu preokupasaun ba representante povu iha Uma Fukun Parlamentu Nacional tamba tuir sira nia haré katak, projektu neé laiha kualidade no seidauk finaliza tamba  parte balun husi muru neé komesa monu.

Haré ba situasaun neé, Ministério Turismo hola inisiativa desloka diretamente ba fatin konstrusaun atu bele identifika no verifika lolos situasaun neé. Molok desloka ba Luak, Director-Geral ho komitiva halao enkontru urgente ho Autoridade Lokal distritu Manufahi iha Administrasaun hodi haré ba asuntu neé.

Hafoin halao observasaun direta ba fatin konstrusaun, Director-Geral Silvino Sampaio Gonçalves explika katak intensaun husi deslokasaun neé atu bele haré diretamente situasaun nebé hamosu preokupasaun no polemika iha Media konaba konstrusaun nebé refere, atu nuné hamutuk bele buka alternativa ka solusaun ba asuntu neé, hodi bele servisu hamutuk diak liu tan bele implementa projektu neé ho kualidade tamba sei benefisia ba interese nasional.

Reprezentante Kompanhia Los Cabubo, Riak Leman konfesa katak, nia parte rekonhese iha duni falhansu balun iha aliserse tamba medida nebé sira aplika la kondiz dezenhu, tamba neé ho prezensa husi parte rua, nia fó kedas ordem ba mandor hodi sobu no halo tuir kedas dezenhu nebé entrega husi Ministério Turismo.
img_2354 Entretanto konaba muru nebé fó sai iha Media katak monu, Riak Leman rejeita informsaun neé no deklara katak, nia rasik mak haruka sobu tamba trabalhador sira halo kleuk la tuir dezenhu.

Husi parte Autoridade Lokal, Administrador Distritu Manufahi, Filomeno Tilman deklara katak tuir sira nia observasaun iha realidade hatudu duni katak konstrusaun neé laiha kualidade, maibe ho deklarasaun no promesa husi representante Kompanhia katak sei sobu parte sira nebé halo la tuir dezenhu no hadia, entaun hein katak projektu neé bele finalize ho kualidade tamba Monumentu D. Boaventura wahinhira sai kapas laos deit ba interese komunidade Manufahi maibe ba Povu Timor Leste tomak.

Orsamentu ba Projektu Konstrusaun Muru Monumentu Dom Boaventura aprova husi Parlamentu Nasional ho valor Dolar Amerikanu Rihun Atus Rua no responsabiliza husi Kompanhia Los Cabubo.

 

DNEAPT asiste inagurasaun Guest House E2 Suai-Covalima

IMG_0675Ministeriu Turismu,liu husi Direcção Nacional Empreendimentus Actividades e Produtus Turistico (DNEAPT) hola parte iha inagurasaun Guest House E2, Quinta Feira dia 20 de Marsu 2014, iha distritu covalima.

Guest House E2 nudar propriedade privadu, nebe jere husi Pedro Sarmento maun husi Sra.Engracia do Rego  nudar mos nain ba Guest House ida ne’e. Entertantu, Ministerio Turismo nia partisipasaun iha inagurasaun ne’e nudar apoiu moral hodi fo motivasaun ba setor privadu nune bele apoiu malu hodi Desenvolve setor turismo iha rai laran.

“Liu husi turismu ita bele atria turista ne’ebe tama mai. Ho objetivu atu promove potensialidade turistiko parte seluk sei hatama mos rendimentu ba Nasaun” Pedro hateten.IMG_0480
Guest House sai mos sentru formasaun Kulinaria Tradisional ba Komunidade lokal.  Guest House ne’e ho nia andar ida (1) ne’ebe kompleta ho Fasilidades hanesan  kuartu VIP ida (1) ne;be kompleta mos Casa de Banhu no AC, Sala runiaun ida (1). Total sala toba fatin iha (8) ne,ebe kompleta mos ho Casa de Banhu inklui fasilidade seluk.

Husi lansamnetu ida ne’e ho esperansa katak, maske durante ne’e hasoru dezafius barak maibe sira korazen duni hari’i Guest House E2 iha Distritu Suai, inklui Restorante ne’ebe iha ona. Ho oportunidade ida ne’e sira husu apoiu nafatin no Prontu atu servisu hamutuk ho Ministeriu do Turismo,liu liu Direcção Nacional Empreendimentus Actividades e Produtus Turistico iha area Hospitalidade no Restorante.

Inagurasaun ne’e partispa mos, husi Autoridade Lokal ne’ebe kompostu husi Administrador Distritu, Komandante Polisia Distrital, Xefe de Suco,  no mos komunidade Camenasa rasik.

Serimonia inagurasaun ne’e apresenta mos dansa tradisionais, kulinaria inklui Artezenatu iha husi distritu refere.