Monthly Archives: March 2014

DNEAPT asiste inagurasaun Guest House E2 Suai-Covalima

IMG_0675Ministeriu Turismu,liu husi Direcção Nacional Empreendimentus Actividades e Produtus Turistico (DNEAPT) hola parte iha inagurasaun Guest House E2, Quinta Feira dia 20 de Marsu 2014, iha distritu covalima.

Guest House E2 nudar propriedade privadu, nebe jere husi Pedro Sarmento maun husi Sra.Engracia do Rego  nudar mos nain ba Guest House ida ne’e. Entertantu, Ministerio Turismo nia partisipasaun iha inagurasaun ne’e nudar apoiu moral hodi fo motivasaun ba setor privadu nune bele apoiu malu hodi Desenvolve setor turismo iha rai laran.

“Liu husi turismu ita bele atria turista ne’ebe tama mai. Ho objetivu atu promove potensialidade turistiko parte seluk sei hatama mos rendimentu ba Nasaun” Pedro hateten.IMG_0480
Guest House sai mos sentru formasaun Kulinaria Tradisional ba Komunidade lokal.  Guest House ne’e ho nia andar ida (1) ne’ebe kompleta ho Fasilidades hanesan  kuartu VIP ida (1) ne;be kompleta mos Casa de Banhu no AC, Sala runiaun ida (1). Total sala toba fatin iha (8) ne,ebe kompleta mos ho Casa de Banhu inklui fasilidade seluk.

Husi lansamnetu ida ne’e ho esperansa katak, maske durante ne’e hasoru dezafius barak maibe sira korazen duni hari’i Guest House E2 iha Distritu Suai, inklui Restorante ne’ebe iha ona. Ho oportunidade ida ne’e sira husu apoiu nafatin no Prontu atu servisu hamutuk ho Ministeriu do Turismo,liu liu Direcção Nacional Empreendimentus Actividades e Produtus Turistico iha area Hospitalidade no Restorante.

Inagurasaun ne’e partispa mos, husi Autoridade Lokal ne’ebe kompostu husi Administrador Distritu, Komandante Polisia Distrital, Xefe de Suco,  no mos komunidade Camenasa rasik.

Serimonia inagurasaun ne’e apresenta mos dansa tradisionais, kulinaria inklui Artezenatu iha husi distritu refere.

Advertisements

Ministro Turismo Partisipa iha Fórum Negosiu no Investimentu Turístiku-CPLP iha Portugal

By Alberto Alves

Reuniaun CPLP-Portugal

Photo by Alberto Alves

Lisboa – Ministro Turismo, Francisco kalbuadi Lay akompanhadu husi komitiva desloka ba Portugal hodi partisipa iha Fórum Negosiu no Investimentu Turismo nivel CPLP nebé halo iha Resintu BTL iha Lisboa.

Molok partisipa iha Fórum nebé refere, ekipa tékniku husi Ministério Turismo hamutuk ho porta voz Turismu iha Portugal partisipa iha enkontru tékniku nebé halao iha Sede CPLP iha Lisboa no konta ho prezensa husi Secretário Executivu CPLP no ponto fokal husi nasaun CPLP sira seluk.

Hafoin enkontru, Directora Geral Georgina Benrós de Mello nebe reprezenta Moçambique nebé asumi prezidensia CPLP, explika katak sorumutu neé ho intensaun principal atu halo balansu ba implementasaun planu asaun Turismu nian ba tinan 2013-2014, nuné mós halo planu ba aktividade atu halo iha reuniaun Ministerial Turismo nebé sei halo iha Dili.

Iha mós okaziaun neé, pontu fokal turismu CPLP sira diskuti mós konaba kestaun nebé relasiona ho operasionalizasaun no funsionamentu Sekretariadu Tékniku Permanente Turismu nebe integra Angola, Moçambique no Timor Leste, inklui Portal Turismu no Rota Turístika CPLP.

enkontru CPLP-Portugal

Photo by Alberto Alves

Entretantu, iha loron tuir, Ministro Turismo ho komitiva partisipa iha Fórum Negócios no Investimento Turístiku, inisiativa konjunta CPLP nian hamutuk ho Organizasaun Mundial Turismo (OMT), ho apoiu husi Sekretaria Estado Turismo Portugal.

Eventu nebé halao iha BTL-Lisboa ho objektivu halo promosaun ba negosiu no investimentu iha sector turismu, nuné mós oinsa buka mekanismu hodi bele entende malu diak liu tan konaba realidade no oportunidade iha negosiu no investimentu.

 

Alein de neé, diskuti mós konaba oinsa dezenvolve kanal komunikasaun foun, koperasaun públiku no privadu, inklui promosaun transferensia “know-how” iha ambitu turismu entre estado membro CPLP nian.

Sek.Jeral. OMT

Photo by Alberto Alves

Iha debate nebé foka liu ba Turismo, parte ida-idak hatoó  konaba nia planu, importansia turismu iha Espasu CPLP: dezafius no oportunidades.

Husi parte Timor Leste, Ministro Turismo, Francisco Kalbuadi Lay koalia konaba programa no planu de asaun nebé Ministério Turismo prepara no implementa oras neé dadaun…

Hafoin Fórum Negosiu no Investimentu Turístiku, Ministro Kalbuadi Lay akompanhadu husi Secretário-Geral OMT halo vizita ba Feira Internacional Turismo nebé halo iha BTL hodi haré kreatividade no inisiativa nebé nasaun ida-idak aprezenta iha sira nia pavilhaun…

Ministro Turismo, Francisco Kalbuadi Lay konsidera feira neé importante tamba bele sai referensia hodi bele aplika mós iha Timor leste…..

Iha feira neé Timor Leste mós partisipa ho nia pavilhaun nebé aprezenta potensialidade no beleza Timor leste nian atu bele atrai atensaun husi vizitantes iha Feira Internacional neé,tamba hanesan oportunidade hodi dada investidores….

 

Ministro Turismo asiste Lansamento Primeiro Livro Husi Dom Ximenes Belo Konaba “ Historia Igreja iha Timor Leste”

By Alberto Alves

Ministru asiste lansamentu livru-Amo Belo

Photo by Alberto Alves

Amo Carlos Filipe Ximenes Belo hanesan autor ba Livro “ História Igreja iha Timor Leste” nebé nia konteudu koalia liu konaba historia igreja hahú husi tempu uluk wainhira Igreja hahú hari iha Timor Leste.

Jorge Sampaio mós rekonhese no elojia Dom Ximenes Belo nia kontribuisaun ba luta resistensia Timor leste to alkansa Ukun rasik An.

Neé hanesan edisaun ba dahuluk, neb’e tuir Dom Ximenes Belo sei iha nia edisaun tuir mai nebé sei koalia los konaba historia igreja iha ita nia rain.

Ministro Turismo, Francisco Kalbuadi Lay entuziasmu tebes haré livro nebé autoria Dom Ximenes Belo tamba hanesan meiu ida hodi bele fo konhese historia Igreja iha Timor leste ba ema tomak, liu-liu gerasaun foun….

Entretanto, estudante timor oan nebé kontinua nia estudus iha Porto, Salvador Mau-Huno konsidera ezistensia livro neé importante tamba timor oan tomak bele hatene historia igreja iha Timor leste

Ministru asiste lansamentu livru

Photo by Alberto Alves

Marka prezensa iha Serimonia lansamentu neé, ex-embaixadora Timor leste ba CPLP, Pascoela Barreto, religiosos, estudantes timor oan nebé kontinua estudus iha Portugal no konvidadus seluk.

 

 

 

 

 

 

DJAF-MT Hala’o Aprezentasaun Orsamentu Jerál do Estadu 2014 ba Nia Funsionáriu

Diresaun Geral da Administrasaun no Finansas Ministeriu do Turismo, halao apresentasaun orsamentu Jeral do Estadu (OJE) 2014 ba inspektores, Diretores Jerais, Diretores Nasionais inklui mos Pontus fokais finansas kada Diresaun iha salaun Centru Convesoes de Dili (CCD) Segunda (10/02).

Aprentasaun ne’e hatoo husi Diretora Nasional Jestaun Finanseira (DNJF) Francisca da Silva no prejidi husi Diretor Jeral Administasaun no Finansas (DJAF) Fernando Hi da Silva hetan partisipasaun masimu husi Inspektores, Diretores Jerais no Diretores Nasionais husi Ministeriu do Turismo inklui mos Sekretariu do Estadu Arte no Kultura. Sorumutu ne’e, koalia liu kona-ba prosesu ezekusaun orsamentu, regras no prosedimentu ezekusaun orsamentu iha tinan 2013 nian.

Hanesan Salario no Vensimentu, Capital Menor, Capital Dezenvolvimentu, Transferensia Publikas, Fundus Dezenvolvimentu Capital Humanu, Fundu De Maneio/Petty Cash, Adiantamentu Ba Atividade Eventuais, Reseitas Publikas no mos dezafius ne’ebe mak Diresaun Nasional Jestaun Finanseira Ministeriu do Turismo hasoru durante ne’e inklui mos tesouru.

Francisca wainhira hatoo apresentasaun hatoo ba Inspektores, Diretores Jerais no Diretores Nasional sira hodi banati tuir regras ne’ebe mak Finansas sentral hasai hodi nune’e bele fasilita diak liutan Ministeriu iha prosesu ezekusaun orsamentu ba Tinan 2014.

Nia haktuir katak, regras ezekusaun OJE ba bens no servisu maka, haktuir iha sirkular no. 001/GMF/I/2013, ne’ebe haktuir katak, pedido pagamentu ba kompras sasan liu husi US$ 5,000 tenki prosesa liu husi Aprovisionamentu.  “No regras sira seluk ne’ebe mak haktuir ona iha sirkular orsamentu 2013 nian no sei hein sirkular ba ezekusaun orsamentu nian ba tinan 2014, karik iha mudansa ruma,”informa Francisca.

Diretora Nasioal ne’e hateten, “ Jestaun Finansas Publika atu sai efisiente no efikasia responsabiliade ita-hotu nian,”tenik Francisca. (RMT)

Konstrusaun Jardim Dom Boa Ventura sei pronto iha fulan Abril

By Isaac

Ministeriu Turismo liu husi Diresaun Nasional Aprovisionamentu e Logisticu, Inspecasaun Auditoria Interina inklui Xefe Gabinete Sexta Feira Dia,07/03/14) semana kotuk aranka ba Luak, Same hodi hare diretamente Konstrusaun  Jardim Dom Boa Ventura ne’ebe kaer husi Kompanha Loksa Bubu.

Konstrusaun Jardim ne’e inklui Moru ho nia Distansia metro 600  no  Baleta ho luan 60cm no naruk 80 cm  nebe se gastu orsamento hamutuk Dollar Amerikano $178,633. Tuir planu projetu ne’e se  remata iha Fulan Abril tinan ne’e.

Konstrusaun Jardim ne’e rasik  bazeia ba akordu Dezenhu husi equipa Techniku Ministeriu Turismo nian ne’ebe konstrusaun ne’e iha ona lisensa  konstruaaun husi  ADN ho MOP.

Antes atu hahu Konstrusaun ida ne’e,Ministériu Turismo iha dahuluk hasoru malu ona ho Administrador ho nia ardjunto hodi diskuti klean liu tan plano ba konstrusaun fati jardim Doa Boa Ventura tuir desenho ne’ebe Equipa Techniku Ministerio nia determina ona.

Konstrusaun ne;e hetan fundus husi Orsamentu Estadu ne’ebe aloka ona atu hari fatin Jardin  Dom Boa Ventura.  Antes ne’e kostrusaun ne’e  pendente hela tamba problema dezenhu  (BOQ) ne’ebe afeta mos rai ne’ebe uluk fahe ona husi Governu ba Komunidade sira iha Luak,Same Tinan 2009 no 2010.

Entertanto, tinan ne’e Ministeriu Turismo sei fo prioridade makas ba konstrusaun  fisiku hanesan mos Jardim sira seluk iha Timor laran liliu area nebe iha potensialidade boot ba turismo iha futuru.

Atauru Potensia Boot ba Turismu

Ministro Turismo Inagura Beloi Beach Hotel

Photo by Ade

Ministru ne’ebe mak halao inagurasaun ba Pouzada ne’e hateten, Pouzada ne’e iha hodi kompleta diak liutan nesesidade turista sira ne’ebe mak hakarak mai visita Atauru.  Tanba, Kalbuadi konsidera Pouzada ne’ebe harii iha fatin estratejiku ba turismu ne’e, bele dada tan atensaun turista lokal no estranjeiru. “Pouzada ne’e harii iha laletek ne’ebe mak bele hateke ba tasi no mos ba foho ne’ebe mak furak, tanba ne’e bele dada atensaun turista sira lokal no mos estranjeiru hodi visita fatin ida ne’e,”informa Ministru.

Pouzada ne’e kompleta ho fasilidade hanesan kuatru 12 inklui mos kuatru ba VIP rua. kompleta ho saneamentu, restaurante no mini bar. Jerente ba Pouzada ne’e, Laizinha Alkatiri hateten, pouzada ne’e nia obra halao ona iha governu anterio no nia parte kompleta deit fasilidades no mos rehabilita. “Orsamentu ne’ebe mak ami gasta ba rehabilitasaun

Ministro Turismo visita Atauro

Photo by Ade

pouzada ne’e hamutuk USD 30.000 no pouzada ida ne’e sai hanesan propitariu governu nian liu husi Ministeriu Turismu no ami mak sai jerente ba pouzada ida ne’e,”informa Laizinha.

Laizinha konsidera Atauru illa ida ne’ebe mak furak liu kompara ho illa sira iha Indonezia. “Hau fo volta ona iha ilha kiik sira iha Indonezia nian, maibe Atauru furak liu illa sira ne’e, Atauru uniku liu,”apresia Laizinha.

Inagurasaun Pouzada Atauru

Ministro Turismo visita Beloi Beach Hotel

Photo by Ade

ne’e, partispa mos husi Diretor Kompana Hidayat, Ahmad Alkatiri, Administrador Sub-Distritu Atauru, Komandante Polisia Sub-disitritu Atauru no komunidade.

Ministru Turismu, alende halao inagurasaun ba pouzada ne’e, intrega mos ekipamentu desportu ba Administrador Sub-Disitru Atauru hodi utiliza ba nesesidade joventude nian iha area desportu. (MT)

HOTEL TIMOR SEI KOLABAORA HO MINISTERIO TURISMO HODI HALO FORMASAUN IHA AREA HOTELARIA

By Gilberto

Ministro Turismo Francisco Kalbuadi Lay simu vizita hosi Presidente da Fundasaun Oriente ( Hotel Timor) Dr. Joao Beza ho nia Manager  Sr. Tiago Barata. Objetivo ba vizita ida ne’e atu hare possibilidade nebe Hotel Timor atu oferece liu-liu iha area formasaun professional hanesan Relasaun Publika, Marketing, Front Office no Food and  Beverage.

Tuir Presidente da Fundasaun  Joao Beza nebe representa Hotel Timor  iha vizita ne’e informa katak Hotel Timor pronto atu oferece formasaun intensiva ida ba area hotelaria ho nia formadores sira mai husi Portugal  nebe sei kolabora hamutuk ho Ministerio Turismo  liu husi Diresaun Empreendimento  no Marketing.  Formasaun ne’e sei halao  hahu fulan Abril , Augusto no Outobru. Iha  tempu hanesan fundasaun  Oriente  liu husi Hotel Timor mos sei acompanha eskola Tecnico Profissional hanesan Fatumaka  no ETDA.

Iha surumutu ne’e mos Ministro Turismo Francisco Kalbuadi Lay hateten formasaun professional  iha area hotelaria  ne’e importante tebes hodi hadia kualidade servisu hotelaria iha Timor.

Ministro Turismo Simu Visita Embaixador Australia ba Timor Leste

Ministro Francisco Kalbuadi Lay simu visita Embasador Australia

Photo by Isaac

Ministro Fransisco Kalbuadi Lay nebe akompanha husi Diretor Geral Turismo Sr. Silvino Sampaio no Diretur Rekursus Humanus Sr. Aderito Babo Segunda feira semana ne’e simu visita husi Embaixador foun Australia ba Timor Leste Sr. Peter Doyle,  iha Memorial Hall Dili.

Ministro Francisco Kalbuadi Lay simu visita Embasador Australia

Photo by Isaac

Embaixador Doyle nudar embaixador foun nebe hahu nia mandatu iha Timor Leste iha fulan Fevereiro Tinan ne’e.   Durante enkontru ho Ministro Kalbuadi, Embaixador Doyle hateten baseai ba Planu Desenvolvimentu Nasional Timor Leste nia, Nasaun ne’e foka liu ba area potencia boot rua mak hanesan turismo no agricultura.  Nune’e opurtunidade encontru ne’e tuir  Embaixador Doyle, atu rona liu oinsa setor turismo desenvolve iha rai ne’e.

Ministro Francisco Kalbuadi Lay simu visita Embasador Australia

Photo by Isaac

Ministru Kalbuadi iha nia intervensaun hateten Ministeriu Turismo oras ne’e buka atu kopera ho nasaun balun liliu iha Asia hodi promove Timor Leste nia Turismo.  Ministro mos esplika katak tinan kotuk ministeriu ne’e halo ona akordu ho nasaun balun hanesan Fiji, Indonesia no China hodi bele desenvolve setor turismo iha Timor Leste no tinan ne’e sei buka atu kopera mos ho Korea do Soul no Japaun.  Maibe Ministru mos realisa katak nudar nasaun foun, Timor Leste se hasoru obstaclu barak atu bele kompete ho nasaun sira seluk.  Obstaclu hirak ne’e mak hanesan infrastrutura inklui Aeroportu, Portu no estrada.  Maibe Ministru esplika katak oras ne’e iha ona kolaborasaun ho Ministerio kompetente atu responde ba problema hirak ne’e.  Alende  ne’e, Ministeriu ne’e mos involve setor privado no comunidade hodi kontribui ba  prosesu desenvolvimentu area turismo iha Timor Leste.

Hafoin rona esplikasaun husi Ministru, Embaixador  afirma katak kistaun importante nebe presija atu fo atensaun mos mak sinal iha estrada no fatin publiku sira seluk.  Tamba turistas hakarak iha asesu nebe fasil hodi bele descobre rai ida. Alende ne’e sira mos presija hatene se fatin ida perigu atu ultra-passa, exemplu tasi nebe iha lafaek presija tau sinal ruma.    Embaixador ne’e mos hateten servisu barak nebe Ministeriu Turismo presija halo hodi bele kompete ho nasaun sira seluk nebe fornese fasilidade kompletu ba turistas.

Embaixador Doyle mos apresia ho politica nebe Ministeriu Turismo trasa ona, liliu koperasaun ho setor privado no comunidade, tamba nasaun nebe turismo desenvolve makas hanesan Bali (Indonesia) no Thailandia, tamba sira mos estabelese servisu hamutuk ho setores refere.

Grupo DIT no Gayamor Sai Primeiru Lugár iha Eventu Karnavál 2014

IMG_0151Alegria Na Liberdade E Pluralidade nu’udár  tema iha Karnavál 2014 ne’ebé mak foin lalais ne’e realiza husi Ministériu do Turismu, liu husi Diresaun Nasionál Empreendimentus Atividades no Produtus Turistiku (DNEAPT).

Ministru Turismu, Francisco Kalbuadi Lay, ne’ebé lansa parade Karnavál 2014 ne’e hateten, nia parte agradese ba partisipasauIMG_0024n maxímu partisipante nian ne’ebé mak kada tinan aumenta nafatin.

“Ministériu Turismu agradese ba partisipante tomak no parabens ba Ita-Boot sira, tanbá iha tinan kotuk iha hahu ho 32 grupus maibé ba tinan ida ne’e aumenta ba 72 grupus ne’ebé kreativu liután no inovativu. Ita-nia tema mak alegria no agora iha hamutuk kontente iha karnavál ne’e,”dehan Ministru Turismu ne’ebé mak akompaña husi Diretora Nasional DNEAPT, Ernestina Lopes ne’ebé hanesan mós kordenadora jerál, wainhira hit bandeira sinál hahú parade Karnavál 2014.

Grupu Karnavál ne’ebé mak kompostu husi grupu Kultura Tradisionál no grupu Kultura Modernu ne’e, hahú paraIMG_0001de husi  Edifísiu Ministériu dos Negósiu Estranjeirus too iha palásiu governu nian oin. Maske ho kondisaun klima ne’ebé mak manas parade ne’ebé mak hahú iha tuku 14:00 ne’e, hetan mós antusiasmu makas husi komunidade ne’ebé mak hela besik área parade ne’ebé fo suporta ba grupus parade sira hodi basa liman no dansa.

Depois de parade ne’ebé naruk grupus sira sei hato’o sira nia apresentasaun dansa no bidu ba juri hodi hala’o selesaun bazeía ba kreatividades, inovasaun no apresentasaun. Juris ba Karnavál 2014 ne’e kompostu husi parte relijiozus, parte media, sosiedade sivil, artIMG_0022isita no mós espertu husi parte kultural nian.

Iha apresentasaun ne’ebé mak naruk husi grupu 72 no diskusaun juri too iha konklusaun ida katak, grupu kultura Tradisionál manán husi Dili Institute of Technology (DIT) ho premiu osan hamutuk USD 500 no Kultura Modernu manán husi grupu Gayamor ne’ebé hetan mós premiu osan ho valór USD 500.

Ba segundu lugár kultura Tradisionál manán husi grupu Milenium Tais, premiu osan ho valór USD 300, kultura modernu mana husi Grupu Gembel ho premiu osan hamutuk USD 300, terseiru lugár Tradisionál manán husi grupu Rebelde ho osan hamutuk USD 200, terseiru lugár kultura modernu manán husi  grupu Barosda  inklui mós osan ho valór USD 200 no favoritu husi kultura Modernu  manán husi grupo Arte Moris no premiu osan ho valór USD 300. no Favoritu husi grupu tradisional ka original husi grupu Coboy.

Sekretáriu Estadu Arte no Kultura, Isabel Ximenes depois de fahe premiu hateten, hato’o parabens ba grupus manán nain sira no enkoraja sira ne’ebé mak lamanán hodi hakas aan no preparadu di’ak liután iha tinan oin. (MT)