Miss Turismo TL Partisipa iha Komemorasaun Loron Feto Nasional

IMG_6406

Photo by Isaac

Finalista Miss Turismo 2013-2014 partisipa iha serimonia komemorasaun loron Feto Nasional ne’ebe mak halao husi Sekretariu do Estadu Promosaun Igualidade (SEPI)  Idelta Maria Rodrigues hamutuk ho lideransa feto Timor Leste balun iha Centru Convensoes de Dili (CCD) Tersa feira semana ne’e.

Komemorasaun Loron feto ne’e loke mos ho feira nasional ne’ebe mak partisipa husi grupos feto ne’ebe mak halao produsaun ba produtus lokal husi distirtu 13 nia laran. Iha abertura ba serimonia ne’e Sekretariu do Estadu Promosaun Igualidade hateten, partisipasaun feto Timor Leste nian iha luta ba independensia boot tebes, no feto barak mak sakrifika sira nia aan hodi luta ba nasaun RDTL ne’e.

Miss Turismo TL sira visita ba fatin stand grupo artesenatos.

Photo by Isaac

“Ohin ita komemora loron Nasional Feto Timor Leste ne’ebe mak monu iha loron mate ita nia luta nain Maria Tapo, ne’ebe mak sakrifika nia aan ba luta hodi ukun rasik aan. Partisipasaun feto iha ukun  aan hahu kedas iha tempu uluk too ohin loron feto Timor Leste luta nafatin ba desigualdiade, no luta kontra violensia deomestika. Tanba ne’e hau husu ba feto Timor Leste hotu atu hamutuk ita servisu hamuutk atu kontinua ita nia luta ida ne’e,”dehan SEPI.

Iha Komemorasaun ida ne’e, Miss Turismo TL ne’ebe mak eleita foin lalais ne’e, Sartina Luiza Pinto,  hamutuk ho Miss Ambiente, Miss Intelejensia, Miss Arte, Miss Fotojeniku no Miss Favoritu partisipa ho ativu iha komemorasaun ida ne’e liu husi apresentasaun dansa no kanta.

Alende apresentasaun kanta, SEPI, hamutuk ho representante husi Parlamentu Nasional, Merita Alves hamutuk mos ho lideransa OPMT distritu 13, membru do V governu  sosiedade sivil, Miss Turismo Timor Leste, funsionariu Ministeriu hotu halao visita ba baraka produtus lokal. (M-MT)

 

Advertisements

Posted on November 6, 2013, in Notisias. Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: