Tour de Timor Lorosa’e 2013

Husi: Adelina de Fatima

IMG_1619das3

Photo by Adelina de Fatima

Ministériu do Turismo foin lalais ne’e (02-06/09) halao Eventu Tour de Timor Lorosa’e ne’ebe mak nia objetivu atu promove Dili hanesan Sidade  Paz no iha tempu hanesan  atu promove turismo Timor Leste nian.

Eventu ne’ebe mak halao durante loron lima nia laran ne’e hetan partisipasaun diak husi siklistas Nasional no Internasional hamutuk 56 Pessoas ho nia rute ba eventu ida ne’e hanesan Dili-Baucau-Ossu (Viqueque)-Same (Luak)-Aileu-Dili..

Manan nain ba eventu tour de timor lorosa’e ba tinan 2013 ba kategoria mane internasionla maka, Shahrin Bin Ami nu’udar manan nain ba kategoria mane iha Tour de Timor tinan 2012, Segundu Lugar, Adam Cobain husi Australia no Terseiru lugar Muhamad Raihan husi Malaysia. Ba kategoria feto elite Internasional manan husi feto timor oan, Francelina Cabral, segundu lugar Susan Marx husi Afrika do soul, no terseirur lugar Laura Lion husi Singapura.

Premiu ne’ebe mak oferese ba manan nain sira maka, medulla ouru no osan ho montante USD 5,000 ba primeiru lugar, no medalla prata ba segundu lugar hamutuk ho osan ho montante USD 3.000 no bronze ba terseiru lugar inklui mos osan ho montante USD 1.500.

Entertantu, mana nain sira senti kontente ho eventu ida ne’e no husu atu kontinua eventu ida ne’e iha tinan oin. “Ami kontente tebes bele partisipa iha eventu ida ne’e, no husu atu kontinua eventnu hanesan iha tinan oin mai,”dehan Francelina Cabral.

Nia mos husu atu hadia failansho nebe  Komissaun Organizadora infrenta tinan ne.

“Ami hanesan siklista nasional husu mos atu Komissaun Organizadora atu aprende husi failansu sira ne’ebe mak mosu ona atu nune’e iha tinan oin mai ita bele hadia failansu hirak ne’e,” dehanCabral.

Maske Francelina hetan kanek todan iha liman wainhira halai bisikleta iha area Maubessi nian,  maibe siklista ne haforsa aan hodi kontinua halai hodi sai primieiru lugar iha kategoria feto nian.

_AG_1856

Photo by Adelina de Fatima

Iha serimonia fahe primiu ne’ebe mak halao iha Praia Kristu Rei, Sesta (06/09), Vise Primieru Ministru hatoo parabens ba siklista sira no enkoragen sira nebe la manan.

“Hau hodi naran governu nian hato’o parabens ba imi manan nain sira nao mos ba imi ne’ebe mak la konsege manan atu kontinua hakas a’an, nune’e iha tinan oin imi mos bele compete diak liutan,”dehan Lasama.

Lasama mos kongratula Komisaun Organizadora Tour de Timor nebe halo susesu eventu ne’e

“Hau mos hato’o parabens ba Komisaun Organizadora ne’ebe mak kompostu husi ema Timor oan deit ne’ebe mak serveisu makas hodi eventu ida ne’e bele to’o iha nia rohan, maske iha failansu maibe ida ne’e ita konsidera hanesan lisaun id aba future atu sai diak liutan,”elojia Vise PM ne’e.

_AG_1810

Photo by Adelina de Fatima

Iha fatin hanesan mos Komissaun Organizadora, Aquilino Dos Santos Caeiro hanesan mos koordenador geral ba eventu ida ne’e hateten, maske iha failansu barak ne’ebe mak mosu durante eventu ne’e halao maibe eventu ida konsege remata no rezultadu ne’ebe mak diak.

“Ami konsidera mosu duni failansu maibe ida ne’e hanesan lisaun ida mai ami Komissaun Organizadora, liu-liu ami nia Ministériu do Turismo atu hadia iha tempu oin mai,”dehan Aquilino. (MT)

Advertisements

Posted on June 6, 2013, in Notisias. Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: